ازاى الاقى كتاب ؟
1- مواقع تخزين روابط الكتب
فى مواقع متخصصة فى تجميع روابط الكتب المخزنة على سيرفرات رفع الملفات العامة تقدر تدخل عليها و تدور, المواقع دى زى
http://www.freebookspot.biz/ (ألمفضل)
http://library.nu/ (جيجا بيديا سابقآ)
2- مواقع التخزين العامة
فى مواقع معمولة عشان الناس تخزن عليها ملفاتها و كتبها اساسآ كل اللى عليك تدخل و تكتب اسم الكتاب و المواقع دى زى
www.4shared.com
www.scribd.com
3- مواقع التورنت
التورنت تكنولوجيا بتعتمد ان الملف بيبقى على جهازك او جهاز غيرك و حد بيحمل الملف من الأجهزة دى يعنى هى شبكة فيها كل الملفات و كل واحد يقدر يحمل من التانى اللى هو عايزه كل اللى عليك تحمل برنامج زى limewire, torrent.
و ممكن تدور على سيرفرات التورنت المعروفة زى
www.h33t.com -- بينفعنى جدآ و بنزل من عليه الكوميس المشهورة
www.isohunt.com -- مشهور جدآ و شكله فيه برامج كتير
4- البحث ب ISBN
الترقيم الدولى للكتاب - كل كتاب ليه رقم دولى مابيتكررش ابدآ لو قدرت تجيب الرقم ده و تدور بيه الكتاب هايطلعلك فى كل النتايج فى اى محرك بحث -- الرقم هتلاقيه على ظهر الكتاب -
انت ممكن تدور بالإسم فى
books.google.com
www.amazon.com
هتلاقى الكتاب بالرقم و ممكن تلاقى اجزاء مجانية منه تقراها اونلاين
ممكن تاخد الرقم الدولى و تديه لجوجل و هتلاقى الكتاب طالع منور فى الصفحة
لو عندى سؤال اسأل فين ؟
1- المنتديات الأجنبية
2- اى موضوع عايز تسأل فيه ليه موقع رسمى يعنى لو الجافا هتلاقى موقع رسمى للجافا لو برنامج معين هتلاقيله منتدى او بلوج إسأل فيه
3- مواقع stack exchange (http://www.stackexchange.com/sites) و دى مجموعة مواقع مشهورة جدآ و ليها نظام لتقييم الأعضاء شيق جدآ سجلوا فيه هتلاقوا ناس كتير بتجاوب و ناس كتير منهم فاهمين فى موضوعات كتير و اكيد هتلاقى اللى يساعدك
4- قنوات IRC دور على القناة الرسمية للموضوع اللى عايز تسأل عنه
5- اخيرآ لو مافيش اى حاجة زى دى اتصل بالمبرمج رأسآ و تأكد انه هايبقى سعيد يرد عليك - يعنى مثلآ لو فى مكتبة جافا ولا ليها منتدى و لا موقع رسمى و لا قناة شات اتصل بالمبرمج بالأيميل و اكيد هيساعدك لأن المبرمج مننا بيبقى سعيد جدآ لما يلاقى انه افاد الناس ببرنامج او مكتبة
6- لو مش لاقى الإجابة على جوجل حاول تبسط السؤال او تعمم الصيغة يعنى مثلآ :
How to force netbeans autocomplete Stack object members and properties ?
How to make netbeans autocomplete STL ?
STL autocomplete in Netbeans
دى طريقة تبسيط السؤال
هذا و الله اعلم .
ليست هناك تعليقات:
إرسال تعليق